Parukierja si “specialiste estetike”, ndërhyn tek buzët e 22 vjeçares

22-vjeçarja, Merve Keles që punon si infermiere në një spital në Adana, Turqi, ka kryer një ndërhyrje për trashjen e buzëve. Ndërhyrja nuk është kryer tek një specialist i provuar, por tek një parukiere që e prezantonte veten si “specialiste estetike”.

Soner Gulnaz i injektoi mbushje të përkohshme tre mujore në buzë Keles. Por mbushja u shkri për një javë dhe e reja nuk hoqi dorë por kërkoi mbushje të përhershme. “Specialistja” i injektoi 26 gjilpëra me silikon. Nuk kaloi më shumë se gjysmë orë dhe buzët iu frynë tej mase ndërsa të nesërmen përfundoi në spital.

“Jam penduar shumë”, thotë 22-vjeçarja, e cila tashmë kërkon pamjen e saj të dikurshme.

“Si punonjëse shëndetësie duhej ta kisha pyetur për diplomën. Ka rrezik që tani të mbes pa buzë. Jam penduar shumë.” Ajo thotë se personi që i bëri mbushjen i kishte thënë se “duke qenë se klinika ishte nën rikonstruksion, mbushjen do ta bënin në shtëpi”.

Tashmë çështja ka kaluar në gjykatë, ku Gulnaz thotë se nuk e ka kryer mbushjen dhe vajzës së dëmtuar do t’i duhet të provojë akuzat.