Pas fjalimeve nis marshimi, qytetarët: Do të jemi këtu derisa klasa politike të shkojë në burg

Sonte në Tiranë po mbahet protesta e 18-të e qytetarëve që dolën fillimisht kundër projektit në Zvërnec, e tashmë kundër keqqeverisjes së vendit. Qytetarët u grumbulluan në sheshin ”Skënderbej”, për të marshuar më pas në bulevardin ‘Dëshmorët e Kombit’ dhe për t’u stacionuar para Kryeministrisë, aty ku mbajtën fjalimet.

“Dhe kjo nuk është një fitore e vogël, nuk është rastësi, as dhuratë që na vjen neve. Kjo është ajo kërkesë që kemi bërë prej ditës së parë dhe arritëm fitore”, tha një nga protestuesit për votimin në PE për zonat e mbrojtura.

“Do të jemi këtu derisa ata që e kanë katandisur këtë vend të përfundojnë pas hekurave”, u shpreh një i ri. Në protestë qytetarët kanë sjellë edhe dhitë, duke deklaruar se “ato janë me flamingot”.

Tani qytetarët janë në marshimin që vjen fill pas mbarimit të fjalimeve.