Përfundon tubimi para Kryeministrisë, nis marshimi në rrugët e Tiranës

Ka përfunduar grumbullimi përpara Kryeministrisë, por revolta qytetare e kësaj mbrëmjeje nuk ndalet këtu. Menjëherë pas fjalimeve të mbajtura në podium, mijëra protestuesit kanë nisur marshimin nëpër rrugët kryesore të Tiranës. Në ditët e kaluara të kësaj proteste, qytetarët kanë zgjedhur të vijojnë tubimin duke lëvizur në formë marshimi, duke paralizuar përkohësisht qarkullimin në disa prej akseve kyçe të Tiranës. Me dritat e telefonave ende të ndezura dhe nën tingujt e këngës “Dua më shumë Shqipërinë”, turma po marshon në bulevardin “Dëshmorët e Kombit”.