Përshkallëzohet situata para Kuvendit, policia përdor ujë dhe spraj lotsjellës ndaj protestuesve

Tensionet para Kuvendit janë përshkallëzuar, teksa protestuesit kanë hedhur sende të forta në drejtim të efektivëve të Policisë së Shtetit gjatë përplasjes me forcat e rendit.

Në përgjigje, policia ka ndërhyrë duke përdorur ujë me presion dhe spraj lotsjellës për të shpërndarë turmën dhe për të rikthyer kontrollin në perimetrin e institucionit.

Përplasjet kanë krijuar momente të forta tensioni, ndërsa protestuesit kanë vijuar të qëndrojnë përballë kordonit policor. Situata mbetet e tensionuar, ndërsa nuk përjashtohet mundësia e përshkallëzimit të mëtejshëm të incidenteve.