”Polici, këtu na ke”, protestuesit përballë efektivëve: Po mbroni krimin, jo qytetarët

Situata para Kryeministrisë vijon të mbetet e tensionuar, teksa protestuesit janë përballur me kordonin e forcave të policisë të vendosur para godinës.

Qytetarët të cilët kanë bllokuar hyrjen kryesore të Kryeministrisë, kanë vijuar me thirrjet drejtuar efektivëve, duke kundërshtuar qëndrimin dhe ndërhyrjen e tyre për largimin e protestuesve.

”Polici, këtu na ke! Ti mbron krimin dhe jo ne”, kanë thirrur protestuesit në drejtim të efektivëve.

Nga turma janë përsëritur edhe thirrjet për arrestimin e kryeministrit Edi Rama, me protestuesit që kanë brohoritur: ”Arrestoni Ramën”.

Forcat e policisë vijojnë të qëndrojnë në kordon përballë protestuesve, ndërsa qytetarët nuk janë tërhequr nga hyrja e Kryeministrisë dhe situata mbetet e tensionuar.