Post-testi i mësuesve, si do të lidhen kontratat e punës?

janë rreth 2300 vende vakante në rang vendi, që të gjitha këto të lira pikërisht nga mësuesit që punonin jashtë profilit ose pa arsimin përkatës. Një fakt të tilllë e ka bërë me dije për mediat dje gjatë një prononcimi për shtyp vetë zv/ministrja e Arsimit, Nora Malaj. "Këta janë mësues që janë në pritje, që askush nuk i ofronte, ose dikush i ofronte, që kanë lënë dokumentacionet në zyrat rajonale dhe zonale. Tani me vendim-marrjen që bën ligji i arsimit parauniversitar këto dokumentacione dhe ky vlerësim çohet drejtpërdrejt tek drejtori i shkollës. Ai i hap një vend i lirë që mund të dalë një mësues në pension. Nga lista, ndan kategoritë dhe i ofron këta që të bëhen pjesë e zgjidhjes dhe mbi bazën e zgjedhjeve ia propozon drejtorit të arsimit dhe bëhet kontrata. Po në momentin që ti hyn në proces, detyrimisht do t’i nënshtrohesh pjesës së testimit, pasi ato janë për kualifikimin e vazhdueshëm", ka sqaruar ajo lidhur me një fakt të tillë. Duke sqaruar se një masë e tillë është e domosdoshme për t’u zbatuar, pikërisht për t’u dhënë shkollave mësues cilësorë. E kjo, pasi në vite për punësimin e tyre është dashur vetëm dokumentacioni ligjor, ndërkohë që cilësia është zëvendësuar me emërimet klienteliste e abuzive. Kujtojmë sakaq, se në rang vendi janë rreth 2300 vende vakante për mësues, nga të cilat shumica e tyre janë për mësues të edukimit fizik, rreth 576 të tilla; për mësues të arsimit fillor, rreth 440 vende; për mësues matematike, rreth 278 vende si dhe për mësues të gjuhën angleze 232 vende bosh. Ndërsa më pak janë vendet për mësues të gjuhës gjermane, vetëm 1 i tillë dhe numri total i profileve të mësuesisë është 26 të tilla. Teksa data 22 dhjetor sipas ministrisë së Arsimit do të shënojë edhe datën përfundimtare të publikimit të rezultateve të testimit kombëtar për mësuesit.  

Profili	Vende Vakante
Arsim Fillor	440
Arsim parashkollor	175
Arsim profesional	4
Arsim special	0
Art pamor	31
Art pamor për shkollat artistike	4
Balet për shkollat artistike	0
Biologji	57
Edukim fizik	576
Ekonomik (Gjimnaz)	7
Fizikë	38
Gjeografi	21
Gjuhë angleze	232
Gjuhë frënge	31
Gjuhë gjermane	1
Gjuhë Italiane	13
Gjuhë shqipe dhe Letërsi	118
Histori	59
Kimi	17
Matematikë	278
Muzikë	88
Muzikë për shkollat artistike	9
Shkenca shoqërore	35
Teknologji Informacioni dhe Komunikimi	47

TOTALI                                         2278  mësues

INSPEKTIMI

Nga inspektimi i bërë nga Ministria e Arsimit janë gjetur 2065 mësues jashtë profilit të tyre dhe 1984 mësues pa arsimin përkatës. Shifrat janë bërë publike nga ky dikaster, në kuadrin e publikimit të rezultateve të raportit të inspektimit në institucionet e arsimit parauniversitar në vend “Mësues për Shqipërinë. Kapitull i ri për reformën në arsim”.