Presidenti Begaj në Kuvendin e Maqedonisë së Veriut: Raporti mes vendeve ka patur ndikim pozitiv dhe në rajon

Në kuadër të vizitës zyrtare në Maqedoninë e Veriut, presidenti Bajram Begaj mbajti një fjalim në Kuvend, ku ndër të tjera tha se raportet pozitive mes 2 vendeve kanë ndikuar edhe në stabilitetin rajonal.

“Është i nder i veçantë të flas para jush në kuvendin e një shteti me të cilin ndajmë më shumë se një kufi. RMV nuk është vetëm vend fqinj i afërt dhe aleat, por një vend që Republika e Shqipërisë ka marrëdhënie tradicionalisht të mira.

Ndihem i nderuar që jam sot me ju për të sjellë përshëndetjet më të ngrohta të shtetit shqiptar. 2 vendet tona ndajnë interesa, sfida dhe një vizion të përbashkët evropian. Raportet tona kanë pasur ndikim pozitiv edhe në rajon”, tha Begaj.