Presidenti Bajram Begaj do të niset për të enjte për një vizitë dyditore në Itali. Kreu i Shtetit do të marrë pjesë krahas udhëheqësve botërorë në pritjen dhe ceremoninë zyrtare të hapjes së Lojërave Olimpike Dimërore Milano-Cortina 2026 që do të nisin më 6 shkurt.
Pak ditë më parë, presidenti Begaj i dorëzoi flamurin kombëtar ekipit të skiatorëve që do të garojë në këto lojëra. Shqipëria përfaqësohet në Miloano-Cortina 2026 nga katër skiatorët: Lara Colturi, Denni Xhepa, Lisa Brunga dhe Semire Dauti.
Gjatë vizitës në Itali, veç pritjes nga presidenti i Italisë, Sergio Mattarella, për hapjen e Lojërave Olimpike Dimërore, agjenda e Begaj parashikon edhe takime të veçanta me autoritetet italiane, komunitetin shqiptar dhe komunitetin arbëresh në rajonin e Lombardisë.
