Presidenti Meta i jep gradën madhore “Gjeneral Brigade”, Ndriçim Reshit Sallakut

Presidenti Ilir Meta, në cilësinë e Komandantit të Përgjithshëm të Forcave të Armatosura të Shqipërisë ka dekretuar sot dhënien e gradës madhore “Gjeneral Brigade” për ushtarakun e lartë, Ndriçim Reshit Sallaku.
Njoftimi i Presidencës
Në mbështetje të nenit 92 gërma “d” dhe nenit 93 të Kushtetutës, si dhe të pikës 3, gërma “a”, të nenit 9, të ligjit nr. 64/2014 “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, i ndryshuar, me propozim të Ministrit të Mbrojtjes,
D e k r e t o j
Neni 1
Kolonel Ndriçim Reshit Sallaku, me detyrë “Atashe Ushtarak i Republikës së Shqipërisë në Republikën e Turqisë, jo rezident në shtetin e Izraelit, Republikën e Azerbajxhanit dhe në Gjeorgji” i jepet grada “Gjeneral Brigade”.