Prokurorët e SPAK-ut takim zyrtar në Departamentin e Drejtësisë në Amerikë

Divizioni Penal i Departmentit të Drejtësisë në SHBA ka njoftuar për një takim të rëndësishëm me përfaqësues të SPAK, në kuadër të forcimit të bashkëpunimit në luftën kundër krimit të organizuar ndërkombëtar dhe korrupsionit. Sipas një postimi në rrjetin social X, Ndihmës Prokurori i Përgjithshëm A. Tysen Duva dhe programi OPDAT mirëpritën prokurorët dhe hetuesit e SPAK, të kryesuar nga drejtuesi i institucionit, Klodjan Braho.