Protesta, 63 persona dalin nesër para Gjykatës për masën e sigurisë

Gjatë ditës së nesërme (e shtunë), në Gjykatën e Tiranës do të dalin për masë sigurie 63 persona të arrestuar gjatë ditëve të protestës. Masat do shqyrtohen nga 3 gjyqtarë dhe do të nisin nga ora 08:15.

Ndërsa këtë të premte, Gjykata e Shkallës së Parë liroi 17 nga 18 të arrestuarit në protestën e dhunshme të studentëve.

Në vendimin e saj, Gjykata i konsideron si të ligjshëm arrestimet në flagrancë pas dyshimeve për veprat penale “Organizimi dhe pjesëmarrja në grumbullime e manifestime të paligjshme”, “Kundërshtimi i punonjësit të policisë së rendit publik” dhe “Prodhimi, mbajtja, blerja apo shitja pa leje e armëve të ftohta”.