Protesta, deputetja: Ja plani ”B” i qeverisë

Deputetja e PS-së, Eglantina Gjermeni ka folur për planin “B” që ka Partia Socialiste lidhur me protestën që do organizojë opozita nesër përpara Kryeministrisë.

Sipas saj, të gjitha kërkesat që janë bërë deri në këto momente janë politike, duke theksuar se PS-ja do t’i përgjigjet zërit të qytetarëve me dialog.

”Ky është një miting i organizuar nga opozita dhe është një protestë politke e drejtuar nga PD dhe LSI. Në momentin që qytetarët do japin një sërë kërkesash, ata do marrin një përgjigje. Në momentin që do kemi një sërë kërkesash ne do reagojnë dhe do jemi gati për dialog. Qytetarët janë të lirë të kërkojnë të drejta e tyre dhe të nxjerrin një axhendë dhe të thonë që të drejtat tona po thyhen”.