Tirana është sërish qendra e protestës, teksa sot zhvillohet dita e 28-të radhazi e tubimeve qytetare. Organizatorët kanë thirrur një manifestim kombëtar, duke ftuar qytetarë nga të gjitha qarqet e vendit, si edhe shqiptarët e diasporës, t’i bashkohen protestës.
Sipas organizatorëve, protesta e kësaj të shtune ka një rëndësi të veçantë për shkak të pjesëmarrjes së gjerë nga e gjithë Shqipëria, por edhe të pranisë së përfaqësuesve ndërkombëtarë.
Organizatorët kanë bërë thirrje që protesta të zhvillohet në mënyrë paqësore, ndërsa forcat e rendit kanë marrë masa për garantimin e sigurisë dhe mbarëvajtjen e tubimit.
