Protesta, Gjoni: Janë turrur institucionet ndaj demokratëve për t’i futur në punë vetëm për efekt elektoral

Deputeti i PD-së, Gjin Gjoni para nisjes së protestës kombëtare, tha se protestat po ndikojnë jo vetëm te qytetarët brenda vendit, por edhe tek vëmendja e opinionit ndërkombëtar, i cili sipas tij po njihet më shumë me situatën në Shqipëri.

Ai u shpreh se pjesëmarrja në protesta po rritet gradualisht nga një tubim në tjetrin, ndërsa theksoi se një pjesë e qytetarëve hezitojnë të dalin për shkak të frikës dhe presioneve që, sipas tij, vijnë nga institucionet dhe administrata shtetërore në nivele të ndryshme.

Gjoni nënvizon se strukturat shtetërore po ushtrojnë ndikim mbi qytetarët, duke i shtyrë ata drejt punësimeve me qëllime elektorale.

Sipas tij, protesta e paralajmëruar do të nisë me fjalime nga të rinjtë dhe përfaqësues politikë, ndërsa më pas pritet që vijimi i saj t’u lihet qytetarëve në terren.