Protesta më 8 maj, Berisha: Dy çështje themelore, farsën elektorale dhe mbrojtjen e vjedhjeve nga Rama

Sali Berisha këtë të hënë në mbledhjen me kryetarët e degëve të Partisë Demokratike, tha ndër të tjera se protesta që do të mbahet më 8 maj, ka të bëjë me dy çështje themelore. Sipas kreut të PD-së, ka të bëjë me farsën elektorale dhe mbrojtjen e vjedhjeve nga kryeministri Edi Rama.

”Ka të bëjë gjithnjë me farsën e tij elektorale dhe ka të bëjë gjithnjë me vjedhjen dhe mbrojtjen e vjedhjeve nga ana e tij. Të nderuar drejtues politikë të qarqeve, kryetarë të degëve. Për secilin prej jush, për çdo drejtues të PD, çdo anëtare dhe anëtar të saj, duhet të jetë e qartë si drita e diellit se Edi Rama është bërë më i rrezikshëm se kurrë për këtë vend.

Me vendimin që Edi Rama mori për të mbrojtur veten e tij doli para shqiptarëve dhe botës si njeriu që tashmë ka në duart e tij çdo pushtet. Si njeriu i pushtetit absolut në Shqipëri. Doli si njeriu që është i vendosur për të mbrojtur lëkurën e tij të marrë çdo vendim kundër qytetarëve shqiptarë.

Të marrë çdo vendim kundër Shqipërisë. Kundër gjithçkaje tjetër sepse në ligjin e diktatorëve, lidhjet e tyre të krimit janë lidhjet e tyre më të fuqishme, për të cilat ata janë të gatshëm të japin gjithçka dhe të bëjnë gjithçka për të shpëtuar lëkurën e tyre”, tha Berisha.