Protesta për ish-krerët e UÇK, mblidhen protestuesit e parë në sheshin ”Skënderbej”

Protesta për ish-krerët e UÇK-së do të nis në orën 17:00, por në sheshin ”Skënderbej” janë mbledhur qytetarët e parë. Që prej orëve të para të mëngjesit mijëra persona nga Kosova dhe Maqedonia e Veriut kanë mbërritur në Tiranë me autobusa dhe mjetet e tyre personale. Po ashtu pasdite do të ketë bllokim të përkohshëm të qarkullimit në ‘Bulevardin e Ri’, gjatë zhvillimit të tubimit të sotëm në sheshin “Skënderbej”, konkretisht prej orës 17:00 deri rreth orës 19:00.