Protestë nga banorët e Memaliajt: Nuk bashkohemi me Tepelenën!

Banorët e Memaliajt kanë kundërshtuar publikisht propozimin për bashkimin e Bashkisë së Memaliajt me atë të Tepelenës, një ndryshim i parashikuar në kuadër të Reformës Territoriale të propozuar nga Partia Socialiste.

Gjatë protestës, qytetarët u shprehën se ky vendim do të rëndojë jetën e banorëve, pasi do të rrisë kostot dhe do ta bëjë më të vështirë marrjen e shërbimeve administrative. Sipas tyre, përqendrimi i administratës në Tepelenë do t’i detyrojë banorët, sidomos ata që jetojnë në zonat më të largëta, të përballen me më shumë distancë, kohë dhe shpenzime për të kryer procedurat e përditshme.

Protestuesit kërkojnë që Memaliaj të ruajë statusin e bashkisë, duke argumentuar se ky është në interes të komunitetit dhe garanton një shërbim më të afërt për qytetarët.