Protestuesi hedh akuza të forta: Shqipëria është kthyer në Kolumbi, korrupsion, dhunë dhe varfëri

Sonte po mabhet protesta e 103-të kundër qeverisë ”Rama”, dhe një prej protestuesve tha se kishte ardhur nga Greqia, ndërsa shprehu kritika të forta ndaj situatës politike dhe sociale në Shqipëri. Ai e cilësoi kryeministrin Edi Rama si “kancerin e Shqipërisë” dhe u bëri thirrje qytetarëve që të ngrihen në protestë.

“Shqipëria është kthyer në Kolumbi dhe Meksikë. Djali më tha se këtu të bëjnë kriminel me zor, pasi nëse nuk bëhesh palë me një grup, të therrin me thikë. Unë kam lënë djemtë në Greqi dhe jetoj me gruan këtu”, deklaroi protestuesi.

Nga ana tjetër, ai kritikoi klasën politike dhe mënyrën se si është zhvilluar demokracia në vend gjatë dekadave të fundit. “Është turp që kemi 36 vite në një demokraci paçavure. Të gjithë janë të njëjtë këta në pushtet. Të çohemi në këmbë të gjithë. Është korrupsion i gjallë. Edi Rama është kanceri i Shqipërisë”, u shpreh ai.