Protestuesit duan dorëheqjen e kryeministrit, Klosi: Ne qeverisim, kemi marrë votën e 855 mijë njerëzve

A do ta japë Edi Rama dorëheqjen e kërkuar prej 18-të ditësh nga qytetarët protestues? Sekretari i Përgjithshëm i PS-së, Blendi Klosi thotë u shpreh se nuk ekziston asnjë arsye që kryeministri të japë dorëheqjen, duke theksuar se mazhoranca aktuale ka marrë votat e qytetarëve për të qeverisur vendin.

”Nëse është kërkesa për dorëheqjen e kryeministrit, mendoj se mazhoranca dhe kryeministri nuk kemi asnjë arsye që në këtë moment të kemi një dorëheqje.

Padyshim ka arsye që të dëgjojmë zërin e qytetarëve, të kuptojmë arsyet pse edhe nga votuesit tanë kanë dalë në protestë në ditët e para, besoj se tani nuk ka më.

Ata kanë protestën e tyre. Ne qeverisim, sepse qytetarët shqiptarë na kanë dhënë votën për të qeverisur Shqipërinë dhe kemi një kontratë me çdo qytetar”, tha Klosi.