Tensionet janë përshkallëzuar jashtë Parlamentit, në zonën e Pedonales, ku protestuesit kanë qëlluar me vezë automjetet e deputetëve.
Situata është tensionuar më tej pas ndërhyrjes së Policisë së Shtetit, e cila ka tentuar të shpërndajë turmën. Përplasjet mes protestuesve dhe efektivëve kanë qenë të forta.
Gjatë protestës janë shoqëruar nga policia dy persona, Adriatik Lapaj dhe Shpend Gashi.
Në një prej automjeteve të ndaluara nga protestuesit ndodhej edhe deputetja Ilva Gjuzi. Makina e saj është goditur me vezë nga protestuesit gjatë momentit të tensionuar.