Pse nuk ngrihet populli në protesta? Luçiano Boçi tregon shkakun në ”Koha Jonë-Debat”

Nënkryetari i PD-së, Luçiano Boçi i ftuar këtë mbrëmje në ”Koha Jonë-Debat” me Nikoll Lesin, ka folur për protestat dhe çfarë po ndodh.

Boçi: Demokracia ka gardianët e vet, dhe këta janë elitat e një shoqërie. Mendimi elitar është i bllokuar. Kjo është e vërteta, ti e di sesi bëhet propaganda. Propaganda është mendimi i elitës dhe ai kamuflohet dhe fshihet. Çfarë ndodh me elitën? Si realizohet bllokimi i popullit? Kjo bëhet duke bllokuar elitën e popullit. Duke bllokuar pedagogët, mjekët, duke i vënë ata tek kufiri i ekzistencës, bindja politike, tek varësia ekonomike.

Lesi: Si do ta zgjidhni?

Boçi: Mos e vendos sfidën pse nuk del populli. Populli ka dalë, se sa është Shqipëria, 1.5 milion njerëz, sa pensionistë janë? 750 mijë, sa janë të punësuar? 220 mijë. Sa janë biznese që kanë varësi me pushtetin? Populli ai është, ai që ka dalë atje. Nuk mund të përdorësh numrat.

(kliko për ta ndjekur)