Pse nuk votoi për shkarkimin e Veliajt? Këshilltari i PS: Dola për nevoja personale, kur u ktheva kishte përfunduar

Anëtari i Këshillit Bashkiak të Tiranës, Alfred Muharremi ka sqaruar arsyet pse nuk mori pjesë në votimin për shkarkimin e Erion Veliajt. Muharremi tha se mungesa e tij ishte një rastësi dhe jo një qëndrim politik.

”Gjatë mbledhjes së Këshillit Bashkiak, pasi mbajta fjalën time, mendova se fjala do t’i kalonte kryetarëve të grupeve, siç ndodh zakonisht. Për nevoja personale dola për pak minuta dhe kur u ktheva, votimi kishte përfunduar”.