Rama: 646 turistë mbërrijnë në Durrës me kroçierën “Sirena”

Porti i Durrësit priti mëngjesin e sotëm 646 turistë të ardhur me kroçierën “Sirena”, e cila u ankorua së bashku me 393 anëtarë ekuipazhi në bord.

Kryeministri Edi Rama ndau pamje nga mbërritja e kroçierës, duke vënë në dukje rritjen e vazhdueshme të fluksit të turistëve që vizitojnë vendin përmes turizmit detar.

“Vizitorë nga SHBA  Mbretëria e Bashkuar, Kanadaja, Meksika dhe shumë vende të tjera po zgjedhin Shqipërinë si një nga destinacionet më të preferuara të kroçierave në Mesdhe”, shkruan Rama.