Rama ndan fotot nga parku ”Vala” në Durrës

Kryeministri Edi Rama ka ndarë me ndjekësit pamje nga parku “Vala”, në lagjen 18 të Durrësit, një hapësirë e re rekreative për fëmijët dhe të rinjtë. Me një sipërfaqe prej 8 mijë metrash katrorë, parku është ndërtuar në kuadër të programit kombëtar “Dua të luaj”, duke i shtuar qytetit të Durrësit hapësira të reja për argëtim dhe aktivitete në natyrë. Parku është i hapur dhe është kthyer në një pikë të frekuentuar nga fëmijët dhe të rinjtë, të cilët e shfrytëzojnë për lojëra dhe argëtim.