Rama: Përmeti mirëpriti natën e parë të Festivalit NONA, festë për gjyshet shqiptare dhe traditat tona

Kryeministri Edi Rama ka ndarë në rrjetet sociale pamje nga nata e parë e Festivalit NONA, i zhvilluar në Përmet, një aktivitet i dedikuar gjysheve shqiptare, traditave dhe vlerave që përcillen ndër breza.

Në postimin e tij, Rama thekson se qyteti i Përmetit u kthye në një pikë takimi për muzikën, kulturën dhe emocionet, në një festë kombëtare kushtuar figurës së gjyshes shqiptare dhe rolit të saj në ruajtjen e traditave familjare.

“Përmeti mirëpriti natën e parë të Festivalit NONA, festa kombëtare kushtuar gjysheve shqiptare, traditave, dashurisë dhe vlerave që ato përcjellin brez pas brezi”, shkruan Rama.

Kryeministri ka bërë me dije se aktivitetet do të vijojnë edhe gjatë ditës së nesërme, më 9 gusht, me një tjetër mbrëmje festive në zemër të Përmetit.

“Atmosfera festive vazhdon edhe nesër, më 9 gusht, me një tjetër mbrëmje plot muzikë, traditë dhe emocione në zemër të Përmetit”, përfundon Rama në postimin e tij.