Rama poston foton unike, yjet japin spektakël mbi Parkun Arkeologjik të Apollonisë

Parku Arkeologjik i Apollonisë, një destinacion i njohur i turizmit kulturor, ofron një pamje spektakolare edhe gjatë natës. Ky park që i mundëson vizitorëve një udhëtim në historinë e lashtë, gjatë natës shndërrohet në një “shfaqje yjesh”, të cilat shkëlqejnë mbi dëshmitë e qytetërimit historik të këtij vendi. Një mundësi më shumë për vizitorët që duan ta vizitojnë edhe në mbrëmje. Kryeministri Edi Rama ndau sot pamje nga Parku Arkeologjik i Apollonisë, ku mbi zonën e teatrit antik duket sikur yjet ofrojnë një spektakël të ri.