Kryeministri Edi Rama ka ndarë pamje nga aksi rrugor Bajram Curri–Valbonë, duke vënë në dukje përmirësimin e kushteve të qarkullimit në një prej akseve më të rëndësishme turistike të veriut të Shqipërisë.
Përmes një postimi, Rama thekson se rruga që lidh Bajram Currin me Valbonën, një prej destinacioneve më të vizituara turistike të vendit, tashmë ofron kushte më të mira dhe qarkullim më të sigurt për turistët vendas dhe të huaj në çdo stinë.
“Një ndër akset më të rëndësishme turistike të veriut të Shqipërisë, që lidh Bajram Currin me një prej destinacioneve më të vizituara të vendit, Valbonën, tashmë ofron kushte më të mira dhe një qarkullim më të sigurt për turistët vendas dhe të huaj në çdo stinë”, shkruan Rama.
Aksi Bajram Curri–Valbonë ka një rëndësi të veçantë për zhvillimin e turizmit në Tropojë dhe në Alpet Shqiptare, duke mundësuar akses më të mirë drejt një prej zonave më të frekuentuara nga turistët gjatë gjithë vitit.