Agroturizmi në Berat vijon të zhvillohet përmes sipërmarrjeve familjare që mbështeten te prodhimi vendas dhe promovimi i traditës kulinare, duke tërhequr gjithnjë e më shumë vizitorë.
Kryeministri Edi Rama ka ndarë foto dhe informacione për bujtinën ”ALDOR” që ndodhet në Syzez të Beratit. Sipas kreut të qeverisë, kjo bujtinë është në bashkëpunim të 10 familjeve fermere, që mbështeten në prodhimin vendas. Investimet në agroturizëm po kontribuojnë në rigjallërimin ekonomik të zonave rurale, duke promovuar produktet vendase, traditën dhe potencialet natyrore të vendit.
”Bujtina “ALDOR” në Syzez, Berat, është një sipërmarrje familjare që mirëpret vizitorë vendas dhe të huaj në një ambient të veçantë dhe me një kuzhinë me produkte të freskëta të zonës. Në bashkëpunim me rreth 10 familje fermere, bujtina sjell në tryezë shijet autentike të Beratit, duke mbështetur prodhuesit vendas dhe duke kontribuar në zhvillimin e agroturizmit në zonë”, shkruan Rama.
