Rama prezanton platformën “BESA”, Belinda Balluku: Shqipëria hyn në një fazë të re të qasjes ndaj qytetarëve

Kryeministri Edi Rama prezantoi në mbledhjen e zgjeruar të Grupit Parlamentar Socialist platformën e re politike “BESA”, e cila sipas tij do të udhëheqë qasjen e qeverisë në mandatin e katërt.

Në një reagim, deputetja e PS-së, Belinda Balluku deklaroi se Shqipëria ka kaluar fazën e nevojave bazë dhe të investimeve prioritare, duke hyrë në një periudhë ku qytetarët kërkojnë më shumë cilësi, shërbime dhe përgjegjshmëri nga shteti. Sipas Ballukut, zhvillimi ekonomik, stabiliteti dhe procesi i integrimit europian kanë krijuar pritshmëri të reja te qytetarët shqiptarë.

”Kryeministri Rama shpalosi në mbledhjen e zgjeruar të GPS një platformë të re politike, një platformë të përqasjes së re ndaj qytetarëve në mandatin e katërt: BESA!
Tashmë vendi ka tejkaluar fazën e nevojave imediate, fazën e investimeve dhe shërbimeve për të përmbushur kushtet bazë. Sot qytetarët shqiptarë kanë pritshmëri legjitime nga shteti, pritshmëri legjitime që përputhen plotësisht me zhvillimin e shpejtë të vendit, ekonominë e qëndrueshme dhe, mbi të gjitha, me hapat e sigurt drejt Europës”,-shkruan Balluku.