Rama: Punimet në aksin Elbasan-Qafë Thanë po ecin me ritme të larta

Kryeministri Edi Rama ka bërë të ditur se punimet në aksin rrugor Elbasanp-Qafë Thanë po vijojnë me ritme të larta, duke e cilësuar projektin si një nga investimet më të rëndësishme infrastrukturore në vend.

Përmes një postimi në rrjetet sociale, Rama theksoi se përfundimi i këtij aksi do të sjellë përmirësim të ndjeshëm të qarkullimit, rritje të sigurisë rrugore dhe më shumë mundësi për zhvillimin ekonomik e turistik të zonave që lidh kjo rrugë.

Sipas kryeministrit, investimi është pjesë e programit të qeverisë për modernizimin e infrastrukturës dhe ndërtimin e rrugëve që u përgjigjen nevojave të qytetarëve dhe zhvillimit të vendit.

“Ky projekt do të përmirësojë ndjeshëm qarkullimin, do të rrisë sigurinë rrugore dhe do të krijojë më shumë mundësi për zhvillimin ekonomik e turistik të zonave që lidhen përmes këtij aksi”, shkroi Rama.

Në përfundim të mesazhit të tij, kreu i qeverisë theksoi se puna për projektet infrastrukturore do të vijojë në kuadër të vizionit “Shqipëria 2030”, duke synuar ndërtimin e një infrastrukture moderne dhe funksionale në të gjithë vendin.