Rama tregon episodin e panjohur me Berishën: Me gazetën Koha Jonë në dorë tha ”Këtu është ajka e trurit të vendit”

I ftuar këtë mbrëmje në emisionin ”KOHA JONË-DEBAT” për 35-vjetorin e gazetës ”Koha Jonë”, kryeministri Edi Rama përballë Nikoll Lesit tregoi për herë të parë një episod të panjohur nga fillimet e pluralizmit politik në Shqipëri. Rama kujtoi takimin e zhvilluar në vitin 1992 mes piktorit shqiptar nga Mali i Zi, Gjelosh Gjoka, dhe presidentit Sali Berisha në Presidencë. Sipas Ramës, Gjoka dëshironte prej kohësh të takonte Berishën, por nuk po arrinte të siguronte një takim. Rama tregoi se i kishte dërguar një letër prezantimi Berishës dhe se përgjigjja kishte qenë surprizuese: takimi do të zhvillohej vetëm nëse Rama do të ishte i pranishëm.

”Këtu ( te gazeta KOHA JONE) është ajka e trurit të këtij vendi”, tha Rama duke kujtuar fjalët që sipas tij Berisha kishte thënë teksa mbante në dorë gazetën ”Koha Jonë”.

Pjesë nga biseda

Kryeministri Edi Rama: E di çfarë më ke kujtuar, më ke kujtuar një episod që publikisht do ta them për herë të parë se s’e kam thënë ndonjëherë, po disa njerëzve ia kam treguar. Në fillimet e para të pushtetit të Partisë Demokratike vjen në Tiranë Gjelosh Gjoka. Gjelosh Gjoka, piktor i famshëm shqiptar nga Mali i Zi që jetonte në Gjermani edhe kishte ëndërr të takonte Doktorin (Berishën), e kishte ëndërr. Edhe i them unë shiko i thashë vetëm po t’i çoj unë një kërkesë, ti mund ta takosh ndryshe s’ka për të takuar. Jo tha çfarë tha mos u ngatërro ti me këtë punë se ngaqë unë kisha ato pozicionet e mia te “Koha Jonë” edhe dihej puna ime.

Okej thashë- ti e di!

Mirëpo tentoi, tentoi, tentoi, nuk e realizoi dot, u dëshpërua. E më tha mua: – Ti ma the me shaka mua atë? Jo i thashë: – unë jam i bindur që po të kërkoj unë, ai të jap takim. Po provoje njëherë tha edhe i bëj letër unë për Gjeloshin, prezantimi kush është, çfarë e tjerë, e tjerë dhe ja çoi nëpërmjet dikujt që e di që e çonte në dorë. Edhe më vjen ai dikushi edhe më thotë Po ja dhashë thotë po ai ka një kusht. Çfarë kushti i thashë? Ai mund ta presi Gjeloshin po të jesh dhe ti me të. I thashë: Unë! Jo tha: – Kështu tha! Po të vij bashkë me të tha: – Unë e pres! Edhe i them Gjeloshit, dëgjo kjo është një çik e vështirë për mua tani të shkoj të takoj atë.Se takoj atë unë! Dava komunisti- i thashë. Por ai mu përgjigj: Jo ky është rasti që ti duhet të vish patjetër e tjerë e të tjerë ai po të fton e ç’rëndësi ka. T’i biem shkurt shkojmë të dy atje, po, po.

Nikollë Lesi: Ku mo në Presidencë?

Kryeministri Edi Rama: Tek presidenca po, në zyrë me Gjelosh Gjokën surprizë,

Nikoll Lesi: Ore nuk e dinte “Koha Jonë” se do të kishe shpartalluar ty si Edi!

Edi Rama: Edhe ulemi aty, ai i fliste i Gjeloshit, mua fare, por ndërkohë fliste që të dëgjoja unë, kuptohet! Berisha i drejtohet Gjeloshit:

-Këto ditë që ke qenë këtu e ke parë ndonjëherë parlamentin? E ke parë ndonjëherë parlamentin?

Gjelosh ia futi kot “e kam parë”, tha!

-Po si duket- iu drejtua Berisha.

-Po mirë fillimet janë, mirë është!

Çfarë mirë? Si mirë? Ku ka mirë aty tha?- iu drejtua Doktori, atij.

“Ou”- thashë unë, “po çfarë po thotë ky!”

-S’ka mirë aty- tha-Aty janë të gjithë tha me lakrën e komunizmit në kokë

Ai tha, edhe se s’dua të them gjithë detajet se foli dhe me emra që unë u habita fare, i ra atyre të vetëve, i bëri copash edhe çohet nga tavolina edhe shkon merr gazetën Koha Jone. E kishte mbi tavolinë. E shikon këtë ti – tha – unë aty, i thoshte atij, – këtu është ajka – tha – e trurit të këtij vendi. Po në vend – tha – që të punojmë për këtë vend dhe të më ndihmojnë – tha – dhe të mbështesin këto procese, rrinë atje – tha, edhe bëjnë gërr-gërr-gërr gjithë kohës dhe ankohen për ata – tha, – këta të vetët. Kanë të drejtë tha po ku t’i gjej unë, se mos vijnë këta dhe drejtohet nga unë. Unë thashë ky qenka një mashtro i një niveli më të lartë se s’ka mundësi.

Nikollë Lesi: Kjo është 92-93?

Kryeministri Rama: Ishte në ’92-in.

Nikollë Lesi: Ishte grupi i Gramoz Pashkos.

Kryeministri Edi Rama: Jo, jo ishin në parlament të gjithë ata, ishte fillimi po të them edhe kështu historia domethënë. Mu kujtua kjo gjë kur po flisje thashë do ta them këtë me rastin e 35 vjetorit të gazetës KOHA JONE.

-Këtu është – tha – ajka e trurit e këtij vendi dhe tundte gazetën KOHA JONE. -Në vend që të më mbështesin, të më ndihmojnë- tha se ishte për mua ajo se isha dhe unë aty, -në vend të më mbështesin e të më ndihmojnë tha rrinë bëjnë gër gër gërr.