Rama takon ministren gjermane Katherina Reiche, në fokus forcimi i partneritetit ekonomik

Në kuadrin e një vizite të zhvilluar me ftesë të komunitetit gjerman të biznesit, kryeministri Edi Rama, zhvilloi një takim me Ministren Federale të Çështjeve Ekonomike dhe Energjisë së Gjermanisë, Katherina Reiche.

Gjatë takimit, palët diskutuan mbi forcimin e mëtejshëm të partneritetit ekonomik mes Shqipërisë dhe Gjermanisë, duke vlerësuar bashkëpunimin ekzistues dhe potencialin për zgjerimin e investimeve në sektorë strategjikë.

”Në kuadrin e vizitës me ftesë të komunitetit gjerman të biznesit, ishte edhe takimi me Ministren Federale të Çështjeve Ekonomike dhe Energjisë së Gjermanisë, Katherina Reiche, ku në fokus ishte forcimi i mëtejshëm i partneritetit ekonomik mes Shqipërisë dhe Gjermanisë, si edhe qasja e BE-së ndaj Ballkanit Perëndimor si një horizont i ri investimesh për sipërmarrjet europiane”,-shkruan Rama.