Rama tregon punimet në Tunelin e Murrashit: Ky projekt strategjik rrit sigurinë rrugore në segmentin Elbasan-Librazhd

Punimet në Tunelin e Murrashit dhe në segmentin Elbasan-Librazhd, pjesë e Korridorit VIII, po vijojnë me ritme të mira. Teksa ka ndarë këtë lajm, kryeministri Edi Rama shkruan edhe se projekti synon të përmirësojë ndjeshëm lidhjen mes rajoneve.

Segmenti pritet të rrisë sigurinë rrugore, të përmirësojë standardet e qarkullimit dhe të shkurtojë kohën e udhëtimit për qytetarët dhe bizneset.

”Tuneli i Murrashit, Librazhd. Vijojnë me ritme të mira punimet në segmentin Elbasan–Librazhd, pjesë e Korridorit VIII. Ky projekt strategjik do të rrisë sigurinë rrugore, do të përmirësojë ndjeshëm standardet e lëvizjes dhe do të shkurtojë kohën e udhëtimit për qytetarët dhe bizneset”,-shkruan Rama.