Ramush Haradinaj, pjesëmerr në Maratona e Tiranës, 2025

Ish-kryeministri i Kosovës, njëherësh ish-komandant i Ushtrisë Çlirimtare të Kosovës dhe kryetar i Aleancës për Ardhmërinë e Kosovës (AAK), Ramush Haradinaj, ka marrë pjesë në Maratonën e Tiranës 2025, duke garuar me numrin 5521.

Pjesëmarrja e tij është bërë e ditur përmes një postimi në rrjetet sociale, ku Haradinaj ka ndarë një galeri fotosh nga aktiviteti sportiv, duke shprehur mirënjohje për atmosferën, organizimin dhe energjinë pozitive që mbizotëroi në kryeqytetin shqiptar gjatë ngjarjes.

Në fotografitë e publikuara, Haradinaj shihet duke vrapuar përkrah qindra pjesëmarrësve nga vende të ndryshme, ndërsa komenti që shoqëron postimin e tij thekson frymëzimin dhe lidhjen shpirtërore mes Kosovës dhe Shqipërisë, përmes një aktiviteti që bashkon njerëz të të gjitha moshave në emër të sportit dhe miqësisë.

Maratona e Tiranës, tashmë një traditë e përvitshme që mbledh mijëra vrapues vendas dhe të huaj, është shndërruar në një festë qytetare të energjisë, solidaritetit dhe bashkimit kulturor shqiptar, ku këtë vit prezenca e Haradinajt tërhoqi vëmendje të veçantë si simbol i qëndrueshmërisë dhe vendosmërisë.

AV/KJ