Realizohet hedhja e parë me dron

Është realizuar hedhja e parë me dron nga një skuadër lituaneze. Droni,  i prodhuar nga Aerones, është i pajisur me 28 helika dhe është në gjendje të mbajë 200 kg peshë.

Në një video të publikuar, guximtari lituanez Ingus Augstkalns është hedhur nga një kullë transmetimi në një lartësi 330 metra.

“Ishte shumë zbavitëse,”-ka thënë Augstkalns për AFP. “Por sigurisht ishte shumë e rrezikshme.”

Përveç sporteve ekstreme kompania shpreson që dronët e tyre të kenë përdorime të tjera më praktike, siç janë operacionet e shpëtimit në mjedise që mund të jenë të vështira ose të rrezikshme për njerëzit.

Droni ka kushtuar 35.000 euro për tu ndërtuar. Ai ka një kohë fluturimi prej 10 minutash dhe mund të arrijë shpejtësinë 150 km/h.