Richard Grenell me pushime në Shqipëri: Vlora është magjike. Nuk është reklamë, do të kthehem sërish

Lajme E Enjte, 20 Gusht 2026 13:23

Richard Grenell, i dërguari i presidentit Trump për Misione të Posaçme, ka zgjedhur Shqipërinë për të kaluar disa ditë pushimesh, duke qëndruar në një prej resorteve luksoze në jug të vendit.

Grenell ka ndarë në rrjetet sociale disa fotografi dhe video nga qëndrimi i tij në Vlorë, duke shprehur vlerësimin për destinacionin dhe mikpritjen që ka marrë gjatë vizitës.

“Vlora është magjike dhe nuk mund të them mjaftueshëm për shtëpinë time larg shtëpisë.

Duhet të theksoj se askush nuk po më paguan për ta thënë këtë, por Vlora është një perlë. Është e përballueshme, por luksoze. Mund të jetë një vend për t’u relaksuar ose për të shijuar jetën e natës – ka edhe kazino.

I realizova vetë të gjitha këto foto dhe video, krejtësisht pa plan dhe pa skenar. Besmir, do të më mungoni ju dhe ekipi juaj. Por me siguri do t’ju shoh sërish së shpejti”, shkruan Grenell në reagimin e tij në rrjetet sociale.