Kryeministri Edi Rama ka vlerësuar përmirësimin e ndjeshëm të imazhit të Shqipërisë në Spanjë, gjatë një vizite në Barcelona, ku delegacioni shqiptar u prit me nderime të veçanta nga Dhoma e Tregtisë së Katalonjës.
Sipas Ramës, Shqipëria sot perceptohet ndryshe nga e kaluara, kur emri i saj lidhej me stereotipe negative në Europë. Ai theksoi se vendi tashmë është kthyer në një nga destinacionet më të preferuara turistike për të rinjtë spanjollë.
”Barcelonë, ku u pritëm me nderim të veçantë nga Dhoma e Tregtisë së Katalonjës, e ku u ndjemë krenarë për respektin dhe interesimin për Shqipërinë, emri i së cilës kur vije në Spanjë deri jo shumë vite më parë ishte sinonim i një njolle të errët në hartën e Europës, ndërsa sot është emri i një prej destinacioneve të preferuara turistike të rinisë spanjolle, ndërkohë që marrëdheniet shtetërore me Spanjën s’kanë qenë kurrë më të mira”,-shkruan Rama.
