Salianji i përgjigjet Berishës: Mos manipulo shifrat, do ta vërtetoj me fakte pjesëmarrjen reale të demokratëve

Nuk ka vonuar shumë, dhe menjëherë ish-deputeti i PD-së, Ervin Salianjit i është përgjigjur deklaratës së Sali Berishës, ku e quajti pjesë të krimit. Salianji shkruan se do ta faktojë me prova pjesëmarrjen reale të anëtarëve të PD në zgjedhje dhe sesi Berisha po përpiqet të manipulojë realitetin. Albana Vokshi tha se në total anëtarë të PD me të drejtë vote janë 51 mijë persona dhe se deri në mesdite, pjesëmarrja ishte rreth 11 mijë votues.

Postimi i plotë

Pergjigje për Sali kolltukun; për njeriun më e dhimbshme se humbja është poshtërimi, qesharakëzimi dhe përbuzja përmes talljes. Sot je kthyer në simbolin e votimit pa garë, uzurpatorit pa zgjedhje dhe pa dinjitet politik, vrasesin e shpreses se qytetarëve për ndryshim!

Deri tani, në të gjithë Shqipërinë nuk kanë marrë pjesë as 1000 anëtarë. Do t’i faktoj me prova reale sa ka qenë pjesëmarrja dhe si po përgatitesh ta manipulosh atë me shifra false. Meqë e ke me qejf; Je i pashpresë. Frika nga gara të çoi në uzurpimin e Partisë Demokratike dhe në aleancë të hapur me Ramën për të forcuar regjimin Rama-Berisha. Demokratët nuk ta pranojnë më modelin e partisë private, ku votohet pa zgjedhje dhe përjashtohet kush mendon ndryshe.

Bashkë me demokratët do ta çmontojmë regjimin Rama-Berisha dhe do të rrëzojmë praktikat puniste të votimit farsë, që poshtërojnë pluralizmin dhe mbajnë peng opozitën shqiptare. Falenderime pafund per qindra demokrate që me sjellin me foto fletet e votimit dhe mijëra te tjere qe e kane perbuzur farsen duke e bojkotuar!