Salianji: Qeveria lufton kundërshtarët në Instagram, Rama të japë dorëheqjen

Ish-deputeti i PD, Ervin Salianji duke marrë shkas nga mbyllja e disave llogarive në Instagram, përfshirë edhe profilin e Agron Shehajt, thotë se qeveria lufton kundërshtarët në rrjete sociale. ”Shqipëria sot duket si një vend pa zot, pa qeveri dhe pa autoritet shtetëror. Nga jugu në veri kanë plasur armët dhe konfliktet po zgjidhen me ligjin e më të fortit”,-shkruan Salianji.

Postimi i plotë

Në vend që të luftojë krimin, qeveria lufton kundërshtarët në Instagram.

Shqipëria sot duket si një vend pa zot, pa qeveri dhe pa autoritet shtetëror. Nga jugu në veri kanë plasur armët dhe konfliktet po zgjidhen me ligjin e më të fortit.

Qeveria e ka humbur kontrollin në territor dhe ua ka lëshuar autoritetin bandave kriminale. I shfrytezon për zgjedhje, i majm me pushtet e privilegje e vjen një moment kur bandat nuk mjaftohen më duke ushtruar pushtetin e tyre brenda shtetit por sfidojnë vetë shtetin.

E ndërsa Shqipëria përballet me pasiguri, armë dhe dhunë, qeveria ka një prioritet tjetër, të mbyllë Instagramin e protestuesve dhe të luftojë zërat kundër saj.

Kjo qeveri nuk e kontrollon territorin, nuk garanton sigurinë dhe nuk lufton krimin, por merret me kundërshtarët politikë, agonia qeverisëse duket qartë, Edi Rama ka humbur autoritetin për të qeverisur.

Rama, jep dorëheqjen.