SHBA reagon pas aktgjykimit ndaj ish-krerëve të UÇK-së: Respektojmë vendimin e gjykatës!

Lajme E Mërkurë, 16 Shtator 2026 15:56

WASHINGTON, DC - SEPTEMBER 12: A sign stand outside the U.S. State Department September 12, 2012 in Washington, DC. U.S. Ambassador to Libya J. Christopher Stevens and three other Americans were killed in an attack on the U.S. Consulate in Benghazi, Libya. (Photo by Alex Wong/Getty Images)

Shtetet e Bashkuara të Amerikës kanë reaguar pas aktgjykimit të Dhomave të Specializuara të Kosovës në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit. Një zëdhënës i Departamentit amerikan të Shtetit i tha Radios Evropa e Lirë se Uashingtoni e respekton vendimin e shpallur nga gjykata.

“Ne e respektojmë aktgjykimin e sotëm të Dhomave të Specializuara të Kosovës”, deklaroi zëdhënësi.

Departamenti i Shtetit theksoi se SHBA-ja mbështet drejtësinë për të gjitha viktimat dhe familjet e tyre, duke ritheksuar përkrahjen për llogaridhënien, procesin e rregullt ligjor dhe sundimin e ligjit.

Në reagimin e tij, Uashingtoni u bëri thirrje të gjitha palëve që ta respektojnë vendimin e gjykatës dhe të shmangin retorikën nxitëse pas shpalljes së aktgjykimit.

“U bëjmë thirrje të gjitha palëve që ta respektojnë vendimin e gjykatës, të shmangin retorikën nxitëse dhe të vazhdojnë të punojnë drejt një të ardhmeje paqësore dhe demokratike”, tha zëdhënësi.

Dhomat e Specializuara i shpallën katër ish-krerët e UÇK-së fajtorë për katër akuza për krime lufte, ndërsa i liruan nga akuzat për krime kundër njerëzimit.

Thaçi dhe Krasniqi u dënuan me nga 25 vjet burgim, Veseli me 18 vjet, ndërsa Selimi me 13 vjet. Vendimi është i shkallës së parë dhe pritet të apelohet nga mbrojtja.