Shkarkimi i Manjanit, Balla i përgjigjet Bashës dhe Blushit

Deputeti socialist Taulant Balla ka reaguar pas deklaratës së kreut demokrat Lulzim Basha në lidhje me shkarkimin e ministrit Ylli Manjani. Në një postim në Facebook, Balla shkruan se Basha është i vetmi lider në botë që kërkon shpjegime kur shkarkohet një ministër. Mirëpo, Balla nuk ka lënë pa ironizuar edhe deputetin Ben Blushi.

“Luli mund te jete i vetmi ‘lider’ opozite në botë që kur shkarkohet një ministër kërkon shpjegime se pse u shkarkua. Madje shkon deri aty sa merr në mbrojtje edhe ministrin e shkarkuar. Po kështu edhe Saliu dhe po njësoj edhe Ben Blushi, Luli tjetër i Saliut!

E si te mos ketë debate në koalicion kur opozita bën gare kush e mbron më shumë një ministër që shkarkohet”, shkruan ai.