Shkarkimi si ministre, Spiropali shprehet e habitur: Rama më largoi pasi e paralajmëroi Berisha

E ulur në karrigen e deputetes, ish-ministrja e Europës dhe e Punëve të Jashtme, Elisa Spiropali tregoi habinë e saj duke treguar sesi nga posti u largua pasi Sali Berisha e kishte paralajmëruar në Kuvend. ”Ajo detyrë është nder i madh, çdo detyrë në këtë Kuvend është nder i madh. Më vjen keq që largimin tim e paralajmëroi Berisha në këtë sallë Kuvendi”, tha Spiropali në seancën plenare këtë të enjte.