Shkencëtarët kinezë kontrollojnë diabetin me telefon

Shkencëtarët kanë përdorur një smartfon për të kontrolluar aktivitetin e qelizave në trupin e një kafshe. Përzierja e biologjisë dhe teknologjisë, është përdorur për të kontrolluar nivelin e sheqerit në gjak tek minjtë me diabet.

Ideja, e shtjelluar në revistën  Science Translational Medicine, mund të aplikohet për një varg të gjatë sëmundjesh dhe trajtimesh me ilace. Kërkuesit kinezë, thonë ndërkohë se kjo përpjekje mund të hapë rrugën për një erë të re në mjekësi. Hapi i parë, i eksperimentit ishte të ktheheshin qelizat normale në fabrika të gjalla.

Ato u projektuan gjenetikisht për të prodhuar substancën që kontrollin nivelin e sheqerit në gjak, si insulina, por duke reaguar vetëm ndaj dritës. Teknologjia quhet optogjenetikë dhe këto qeliza mund të nisin punën kur ekspozohen ndaj valëve specifike të dritës së kuqe. Këtu ndërhyn teknologjia, një set dritash me vvireles dhe një aplikacion në smartfon për t’i kontrolluar ato.

Kërkuesit në universitetin e shangait, implantuan sistemin tek një mi dhe ishin në gjendje të kontrollonin diabetin me një prekje në një touchscreen. Ekipi tha se zbulimet mund të hapin rrugën për një erë të re mjeksie të personalizuar, dixhitalizuar dhe globalizuar. Shkencëtarët duhet të marrin vetëm pika të vogla gjaku për të matur nivelin e sheqerit në gjak dhe mbi bazën e tyre mund të përllogarisin sa ilac të clirojnë brenda kafshëzës.

Qëllimi final është një sistem tërësisht i automatizuar që të dallojë nivelin e sheqerit e më pas të bëjë edhe lëshimin e saktë të kimikateve terapeutike. Ideja është në një fazë të parë të saj, por nuk kufizohet vetëm tek diabeti. Qëlizat mund të projektohen në mënyrë që të lëshojnë një seri ilacesh.