Situata në përkeqësim, Spahiu: Pandemia është larg së qenit e përfunduar, por kryeministri në largim bën sikur s’e sheh

Kryetari i Lëvizjes Socialiste për Integrim për Tiranën, Përparim Spahiu ka reaguar ashpër lidhur me situatën tejet shqetësuese të përhapjes së pandemisë në vendin tonë.

Përmes rrjeteve sociale, Spahiu shprehet se intensifikimi i ritmit të përhapjes së COVID-19 dhe rritja e numrit të viktimave sidomos tek të rinjtë tregon se pandemia është larg së qenit e përfunduar.

“Intensifikimi i ritmit të përhapjes së COVID-19 dhe rritja e numrit të viktimave sidomos tek të rinjtë tregon se pandemia është larg së qenit e përfunduar.

KM në largim bën sikur s’e sheh situatën në përkeqësim dhe mendon se me propagandën e 900 vaksinave e kaloi lumin.

Vetë komitetasit anti-COVID marrin pjesë në mbledhjet e Rilindjes duke injoruar rregullat që kanë miratuar vetë.

Kurse kryerilindësi bën sikur pandemia u zhduk me urdhrin e peshkut dhe i harxhon orët në mbledhje televizive në kërkim të armiqve të brendshëm e të jashtëm.

Vendit i duhet një qeveri në detyrë, jo një qeveri në Dubai dhe në televizor.

Më 25 prill shtrojmë rrugën për një qeverisje për qytetarin, jo për pushtetarin”, shprehet Spahiu.