SPAK urdhëron kontroll në Bradashesh, zbulohen alkool dhe pajisje për internet

Një kontroll i urdhëruar nga Prokuroria e Posaçme kundër Korrupsionit dhe Krimit të Organizuar është zhvilluar në burgun e Bradasheshit.

Gjatë kontrolleve në ambientet e qelive është sekuestruar alkool, ndërsa në ambientet e kuzhinës është konstatuar edhe pajisje për shpërndarjen e internetit. Kuzhina është një hapësirë që frekuentohet nga të paraburgosurit dhe të dënuarit.

Aksioni është zhvilluar ditën e shtunë, ndërsa detajet e kontrollit janë bërë publike vetëm sot. Operacioni është kryer në kuadër të një procedure të nisur me urdhër të SPAK.