Spiropali: A do ta çlirosh opozitën? Berisha: Pëllumbeshë, erdhe e veshur si nuse në ditën tënde të fundit

Një debat i nxehtë u shënua në Kuvend mes Sali Berishës dhe Elisa Spiropalit, e cila i bëri pyetje se nëse është gati të çlirojë opozitën që sipas saj prej vitesh e mban nën pushtet. Berisha deklaroi se sipas tij ajo nuk meriton asnjë përgjigje. Ai më pas foli për dhunën që sipas tij është ushtruar në protestë. Spiropali tha se ajo ka folur për protestën dhe nevojën për të ndryshuar sistemin politik dhe zgjedhor. Ndër të tjera ajo ngriti pyetjen për Berishën, të cilin e pyeti nëse ka vullnetin të çlirojë partinë e tij.

”Edhe para protestës, edhe gjatë protestës unë kam folur për reformimin e pushtetit, nevojën për korrigjim, nevojën për të kaluar te sistemi i institucioneve, për vetëpastrim, luftën ndaj korrupsionit, nevojën për të kuptuar që ky është moment historik, nevojën për ta ndryshuar këtë sistem politik dhe zgjedhor që sot ka prodhuar banalitet sepse njerëzit janë të papërfaqësuar dhe s’ka as ide ideologjike, kam folur për institucione shtetërore që përdoren me besimin e madh se ne kemi gjithë fuqinë për ta ndryshuar këtë. Po ti Klevis, Sali, a ke fuqinë të hapësh rrugën dhe partinë tënde dhe të çlirosh opozitën? A ke fuqinë të bëhesh pjesë? Unë besoj që PS e ka këtë fuqi! Asnjë sulm s’më ndal dot se s’kam asgjë për të fshehur! Asnjë bedel që mendon se mund të dëmtojë”, tha Spiropali.

Kurse Berisha i tha Spiropalit se erdhi e veshur si nuse ditën që kujtoi se për Ballukun do të ishte e fundit, por në të vërtetë bëhej fjalë për të. ”Edhe ty, Pëllumbeshë, ty nuk të hëngri parimësia, por ty të hëngri Lubia, se ishte më e fortë se ti. Pëllumbeshë, je e sinqertë me veten tënde, se unë të dhashë një paralajmërim kur na erdhe e veshur si nuse këtu, kujtove se ishte në ditën e fundit. Harrove se ajo do bëhej dita e fundit e jotja”, tha Berisha.