Tabaku: Komisioni për të Drejtat e Njeriut, i hapur për minatorët e Spaçit

Minatorët e minierës së Spaçit në Mirditë ndodhen në ditën e 14-të të protestës së tyre, duke kërkuar kushte më të mira pune, rritje pagash, njohjen e sindikatës dhe nënshkrimin e kontratës kolektive me kompaninë. Protesta ka tërhequr vëmendjen e Komisionit Parlamentar për të Drejtat e Njeriut dhe Mjetet e Informimit Publik, i drejtuar nga deputetja Jorida Tabaku.

Përmes një postimi në rrjetet sociale, Tabaku ka shprehur mbështetjen për minatorët protestues dhe ka ftuar përfaqësuesit e tyre të diskutojnë në komisionin parlamentar për të drejtat dhe problematikat që po përballen.

“Komisioni për të Drejtat e Njeriut është një derë e hapur ku mund të trokasë kushdo,” theksoi Tabaku.