Presidentit i Shqipërisë, Bajram Begaj ka rrëfyer për bisedën që shkëmbeu gjatë takimit me homologun amerikan Donald Trump në Asamblenë e Kombeve të Bashkuara. Begaj tha se ishte moment krenarie kur Trump i pohoi në anglisht “Albania is doing great job”, (Shqipëria po bën një punë të shkëlqyer). Kreu i shtetit i ftuar në ”Top Story”, theksoi se kjo shprehje e ka bazën te marrëdhëniet strategjike dhe miqësisë së hershme mes dy vendeve. ”Nën administratën Trump raportet midis SHBA dhe Shqipërisë përsa i përket bashkëpunimit sidomos në fushën ekonomike do të forcohen”,-tha Begaj.
Grida Duma: T’ja themi audiencës sonë që unë e kam dashur ta nis Top Story me ju, nuk e kam pasur këtë shans. Por asnjë gjë që nuk realizohet është gjithmonë për keq. Duket që ka dalë më për mirë sepse është shumë mirë që të kam sonte sepse vendos të flasësh sonte në një momentum që të gjithë i kanë syt tek ju
Presidenti Begaj: Unë flas pak përgjithësisht, por nuk më mungon dëshira për të qenë prezenet në asnjë rast, aq më tepër të humb rastin për të qenë i pranishëm në Top Channel.
Grida Duma: Ishit në Asamblenë e Kombeve të Bashkuara është forumi më i madh ndërkombëtar politik unë do të pyes një herë për atë që shumica e tyre që janë moshë e re duan të dinë kur takon Trumpin çfarë ndodh? Çfarë vibe është? Se Donald Trump edhe kur takon këdo nga politikanët që kanë një lloj karizme, bën gjëra që nuk dua t’i them tani, herë të pranueshme, herë të suprizueshme në arenën e diplomacisë. Si ishte takimi me Trump?
Presidenti Begaj: E vërtetë javën e kaluar mora pjesë në punimet e Asamblesë së Përgjithshme të OKB-së, dhe gjatë Asamblesë u organizua dhe pritja nga Presidenti Trump dhe zonja e parë e Shteteve të Bashkuara të Amerikës, ku morën pjesë kryetarët e shteteve dhe kryetarët e qeverive. Kur takon presidentin Trump është gjithmonë kënaqësi dhe emocion.
Ai moment i takimit mendoj se vlen më shumë më shumë së gjithçka tjetër kur presidenti Trump të flet në anglisht dhe të thotë se “Albania is doing great job”. Është moment krenarie dhe besoj se kjo shprehje e ka bazën te marrëdhëniet tona strategjike dhe miqësisë së hershme mes dy vendeve. Mendoj që nën administratën Trump raportet midis SHBA dhe Shqipërisë përsa i përket bashkëpunimit sidomos në fushën ekonomike do të forcohen.
Mendoj që fushat me interes të ndërsjellë siç mund të jete ekonomia e lidhur me turizmin apo e lidhur me energjinë apo marrëdhëniet në fushën ushtarake do të njohin njohje të reja dhe avancim të mëtejshëm.