Kryetari i grupit parlamentar të Partisë Socialiste, Taulant Balla, priti në Kuvend Presidenten e BSF Albania, Monica Micheli Panozzo, si dhe përfaqësuesen e spikatur të diasporës shqiptare në Itali, Etleva Rrapa.
Gjatë takimit u diskutua mbi organizimin e edicionit të dytë të Blue Sea Forum, një aktivitet i cili do të zhvillohet më 16-18 tetor 2026 në Marinën e Orikumit, Vlorë.
”Mirëprita në Kuvendin e Shqipërisë Presidenten e BSF Albania, Monica Micheli Panozzo dhe një përfaqësuese të spikatur të diasporës tonë në Itali Etleva Rrapa. Biseduam mbi organizimin e edicionit të dytë të Blue Sea Forum, Marina Orikum, Vlorë, më 16–18 tetor 2026. Kjo është një nismë me rëndësi për promovimin e potencialit detar të Shqipërisë”,-shkruan Balla.
Blue Sea Forum synon të sjellë në fokus mundësitë që ofron hapësira detare shqiptare, duke bashkuar ekspertë, institucione dhe aktorë të sektorit për të diskutuar zhvillimin e qëndrueshëm të ekonomisë detare.