Taulant Balla: Shkodra prioritet kombëtar, 100 milionë euro investim për projektin ”Porta e Alpeve”

Kreu i grupit të PS-së, Taulant Balla thotë se Shkodra mbetet një prioritet strategjik i investimeve qeveritare, dhe se në vitet e fundit në këtë bashki janë investuar rreth 1,3 miliardë euro. Nga seanca plenare e Kuvendit, Balla u ndal te marrëveshja për financimin e projektit “Porta e Alpeve”, me vlerë totale 100 milionë euro, i mbështetur në mënyrë të barabartë nga European Investment Bank dhe KfW Development Bank.

Sipas Ballës, projekti synon krijimin e një korridori të integruar zhvillimi që do të lidhë Alpet shqiptare me bregdetin adriatik përmes Shkodrës, liqenit të Shkodrës, lumit Buna, Velipojës dhe Shëngjinit. Ai tha se investimi do të përqendrohet në përmirësimin e infrastrukturës rrugore dhe lidhjeve territoriale, zhvillimin e turizmit të integruar, transportit publik, mobilitetit të qëndrueshëm, si dhe mbrojtjen e aseteve natyrore e historike të zonës.

Balla i bëri thirrje opozitës të mbështesë marrëveshjen, duke theksuar se projekte të kësaj natyre duhet të bashkojnë forcat politike në funksion të zhvillimit të vendit. Kreu i grupit të PS-së u ndal edhe te procesi i integrimit europian, duke deklaruar se Shqipëria mbetet brenda kalendarit të dakordësuar me Komisioni Europian dhe se objektivi mbetet përmbyllja e negociatave për anëtarësim në Bashkimi Europian deri në fund të vitit 2027.